المعنى الاصطلاحي :

کسی دوسرے شخص کی طرف سے لاحق ہونے والی کسی برائی کے سبب جس کو دفع کرنے میں وہ عاجز ہو، دل میں پیدا ہونے والا پوشیدہ غصہ۔

الشرح المختصر :

’غَیظ‘ سے مراد وہ انفعالی کیفیت اور تغیّر ہے جو کسی شخص کو اس وقت لاحق ہوتی ہے جب کسی دوسرے سے اُسے کوئی برائی پہنچے۔ یہ ایک پوشیدہ کیفیت ہوتی ہے جس کا اظہار اور اخراج نہیں کیا جاسکتا اور نہ ہی اعضا و جوارح پر اس کے اثرات ظاہر ہوتے ہیں جیسے انتقام لینا اور برائی کرنے والے کو نقصان پہنچانا، کیوں کہ وہ بے بس اور ایسا کرنے میں ناکام ہوتا ہے۔

التعريف اللغوي المختصر :

الغَيْظُ: ’سخت غصہ‘۔ کہا جاتا ہے: ”غاظَهُ وأَغاظَهُ، يَغِيظُهُ، غَيْظاً وإِغاظَةً“ یعنی اس نے اسے سخت غصہ دلایا۔ ایک قول کی رو سے ’غصہ‘ کی ابتدا کو ’غیظ‘ کہا جاتا ہے۔ ایک قول یہ بھی ہے کہ اس سے مراد اس شخص کا ’غصہ‘ ہے جو انتقام لینے سے عاجز ہو۔ ’غَیظ‘کا حقیقی معنی وہ پریشانی ہے جو انسان کو دوسرے شخص سے لاحق ہوتی ہے۔