Sa Kanya - tanging sa Kanya - ang mga susi ng mga imbakan ng mga biyaya sa mga langit at lupa. Nagkakaloob Siya ng mga ito sa kaninumang niloloob Niya at nagkakait Siya ng mga ito sa kaninumang niloloob Niya. Ang mga tumangging sumampalataya sa mga tanda ni Allāh, ang mga iyon ay ang mga lugi dahil sa pagkakait sa kanila ng pananampalataya sa buhay nilang pangmundo at dahil sa pagpasok nila sa Apoy bilang mga mananatili roon sa Kabilang-buhay.