Nagsabi ang mga tagapagtambal kabilang sa mga naninirahan sa Makkah, habang mga nangangatwiran sa hindi pagsunod sa Islām at pagsampalataya rito: "Kung susundin namin itong Islām na dinala mo, hahablutin kami ng mga kaaway namin mula sa lupain namin nang may kabilisan?" Hindi ba nagpatatag Kami para sa mga tagapagtambal na ito ng isang kanlungang ipinagbabawal doon ang pagpapadanak ng mga dugo at ang kawalang-katarungan, na natitiwasay sila roon laban sa pagsalakay ng iba laban sa kanila, na hinahatak doon ang mga bunga ng bawat bagay bilang panustos mula sa nasa Amin na inakay Namin papunta sa kanila? Subalit ang karamihan sa kanila ay hindi nakaaalam sa ibiniyaya ni Allāh sa kanila para magpasalamat sa Kanya dahil doon.