Lumikha si Allāh - kaluwalhatian sa Kanya at pagkataas-taas Siya - sa mga langit at lumikha Siya sa lupa ayon sa katotohanan. Hindi Siya lumikha sa mga ito ayon sa kabulaanan at hindi Siya lumikha sa mga ito sa paglalaro. Tunay na sa paglikhang iyon ay talagang may katunayang maliwanag sa kakayahan ni Allāh para sa mga mananampalataya dahil sila ay ang mga nagpapatunay sa tagapaglikha sa pamamagitan ng paglikha ni Allāh - kaluwalhatian sa Kanya. Tungkol naman sa mga tagatangging sumampalataya, tunay na sila ay napararaan sa mga tanda ng mga abot-tanaw at mga kaluluwa nang hindi natatawag ang mga pansin nila sa kadakilaan ng tagapaglikha at kakayahan Niya - kaluwalhatian sa Kanya.