شرح الحديث :

"جس مسلمان مرد" اس حکم میں مسلمان خاتون بھی برابر کی شریک ہے۔ "فرض نماز کاوقت ہوجائے" یعنی نماز کا وقت شروع ہو جائے اور وہ اس کی ادائیگی کا مکلف ہو۔ "پھر وہ اس کے لیے اچھی طرح وضو کرے" یعنی مکمل شرعی آداب کا لحاظ کرتے ہوئے وضو کرے۔ " وخشوعها وركوعها" یعنی نماز کے تمام ارکان کواس طور پر ادا کرے کہ اس کے تمام فرائض اور سنتوں کو ان کی کامل ہیئتوں کے ساتھ ملحوظ خاطر رکھے۔ اچھی طرح سے وضو کرنا یہ ہے کہ اس کو اس کے تمام فرائض، سنن اور آداب کی رعایت کرتے ہوئے انجام دیا جائے۔ اچھی طرح خشوع سے نماز ادا کرنا یہ ہے کہ مکمل حضور قلبی اور یکسوئی اختیار ساتھ نماز ادا کی جائے۔ "الا کانت" یعنی یہ نماز۔ "کفارۃ" یعنی گناہوں کو مٹانے والی۔ "لما قبلها من الذنوب"یعنی صغیرہ گناہوں کو۔ "ما لم تُؤتَ كبيرةٌ" یعنی کسی کبیرہ گناہ کا ارتکاب نہ کیا جائے۔ "وذلك" یعنی عمدہ طریقہ سے وضو کرنے اور خشوع کے ساتھ نماز پڑھنے کی بنا پر گناہوں کے مٹائے جانے کا عمل۔ "الدهر كله" اس میں یہ نشان دہی ہے کہ نیکیوں کے ذریعے صغیرہ گناہوں کے مٹائے جانے کا معاملہ رسول اکرم صلی اللہ علیہ وسلم اور صحابۂ کرام کے اشرف ترین زمانوں کے ساتھ خاص نہیں ہے، بلکہ سارے زمانوں کے لیے عام ہے۔

ترجمة هذا الحديث متوفرة باللغات التالية

العربية الإنجليزية الفرنسية التركية الأندونيسية البوسنية الروسية الصينية الفارسية