پێویسته له مانگی ڕه‌مه‌زاندا له‌چاوه‌كانمان ئاوی گه‌رم ده‌رهێنین بۆ ئه‌وه‌ی تاوان و گوناهه‌كانمان بشواته‌وه.
التفاصيل
فرمێسكی په‌شیمانی له‌مانگی ڕه‌مه‌زاندا خۆشه‌ویستان: پێویستیمان به‌رژانی فرمێسكی په‌شیمانی هه‌یه ده‌رباره‌ی ئه‌و كه‌م و كورتیانه‌ی كه‌كردومانه‌به‌رامبه‌ر به‌خوای گه‌وره‌و پێغه‌مبه‌ره‌كی و ئاینه‌كه‌ی و خودی خۆمانیش. پێویسته له مانگی ڕه‌مه‌زاندا له‌چاوه‌كانمان ئاوی گه‌رم ده‌رهێنین بۆ ئه‌وه‌ی تاوان و گوناهه‌كانمان بشواته‌وه. پێویسته له‌م مانگه پیرۆزه‌دا خۆمان بشكێنینه‌وه‌و په‌شیمانی ده‌ربرین ده‌رباره‌ی ئه‌و هه‌ڵانه‌ی كردومانه‌به‌رامبه‌ر به‌‌خۆمان و ئوممه‌ته‌كه‌مان. پێویسته له مانگی ڕه‌مه‌زاندا دان بنێین به‌تاوانه‌كانمان ، چونكه پێغه‌مبه‌رانی خوا ـ علیهم السلام ـ دانیان به‌گوناهه‌كانی خۆیان ناوه‌و ده‌ستیان به‌گریان كردوه‌به‌هۆیه‌وه، ئه‌وه‌تا پێغه‌مبه‌ری خوا ئیبراهیم ـ علیه الصلاة والسلام ـ ئه‌فه‌رموێت:{والذي أطمع أن يغفر لي خطيئتي يوم الدين } ، هه‌روه‌ها يونس ـ علیه الصلاة والسلام ـ ئه‌فه‌رموێت:{لا إله إلا أنت سبحانك إني كنت من الظالمين } ، ئه‌مه‌حاڵ و وه‌زعی‌باشترین و پیرۆزترین مرۆڤن، ئه‌بێ وه‌زعی ئێمه‌ی تاوانبار چۆن بێت؟ باشه‌كه‌ی ته‌وبه‌ده‌كه‌ین ئه‌گه‌ر ئێستا نه‌یكه‌ین؟ كه‌ی په‌شیمان ده‌بینه‌وه‌ئه‌گه‌ر ئێستا په‌شیمان نه‌بینه‌وه؟ ئه‌ی ئه‌و كه‌سانه‌ی تاوان و گوناهیان زۆر بووه، ئایه كاتی ئه‌وه نه‌هاتوه فرمێسكی په‌شیمانی برژێنن؟ ئایه‌كاتی ئه‌وه نه‌هاتوه بگه‌رێینه‌وه بۆ لای خوای گه‌وره؟ مانگی ڕه‌مه‌زان باشترین كاته بۆ گه‌ڕانه‌وه و په‌شیمان بوونه‌وه له هه‌موو كردوه‌یه‌كی خراپ... وه‌ئامۆژگارێیكم هه‌یه بۆ خۆم و هه‌موو موسڵمانێك كه‌ده‌ڵێیت ( لا إله إلا الله محمد رسول الله ) با هه‌موومان پێكه‌وه له‌م مانگه‌پیرۆزه بریارێكی لێخۆشبوون بده‌ین بۆ یه‌كتر، ئه‌وه‌ی ناكۆكی و ناحه‌زی و ڕق و كینه‌هه‌یه‌له‌نێو دڵی خۆمانی ده‌رهێنین، كاغزی سپی بۆ یه‌كتر بكه‌ینه‌وه‌و برایه‌تی و خۆشه‌ویتی له‌نێوان خۆمان به‌هێز بكه‌ین، وه‌با نه‌هێڵین شه‌یتتان و شوێنكه‌وتوانی پیلانه‌كانیان جێبه‌جێ بكه‌ن به‌سه‌رمان... برایانی خۆشه‌ویستم: ئه‌م مانگه‌مانگی لێبوردن و لێخۆشبوونه... ده‌با له‌و برا موسڵمانانه‌مان خۆش بین ئه‌گه‌ر هه‌ڵه‌یان به‌رامبه‌رمان كردوه، بۆ ئه‌وه‌ی خوای گه‌وره‌لێمان خۆش بێت؛ چونكه‌خوای گه‌وره‌به‌به‌زه‌ییه‌به‌رامبه‌ر ئه‌و كه‌سانه‌ی كه‌به‌به‌زه‌یین به‌رامبه‌ر به‌براكانیان. وه‌ئه‌و كه‌سه‌ی به‌رۆژوه‌به‌به‌زه‌یی ترین كه‌سه، چونكه‌تامی برسیه‌تی و توینیه‌تی و كردوه، وه‌ده‌رونی به‌شه‌وقه‌وه‌یه بۆ به‌زه‌یی موسڵمانان. ئازیزان و خۆشه‌ویستان : باشترین كار بۆ مرۆڤی موسڵمان له‌م مانگه‌پیرۆزه‌بریتیه له گه‌ڕانه‌وه‌ی بۆ لای خوای گه‌وره‌و فرمێسكی په‌شیمانی برژێنێت بۆ خوای گه‌وره... كاتی ئه‌وه هاتوه موحاسه‌به‌ی خۆمان بكه‌ین و برایاری ته‌وبه‌یه‌كی ڕاسته‌قینه‌بده‌ین. داواكارم له‌خوای گه‌وره سیفه‌تی لێبورده‌ییمان پێ ببه‌خشێت و چاوه‌كانمان پڕ بكات له‌فرمێسكی په‌شیمانی و له‌هه‌موو گوناهه‌كانمان خۆش بێت و به‌به‌هه‌شتی به‌رین شادمان بكاته‌وه. وصلى الله وسلم على نبينا محمد وعلى آله وصحبه أجمعين
