پرسیارێكه له لایه‌ن سایتی ( ئیسلام پرسیار و وه‌ڵام ) وه‌ڵامی دراوه‌ته‌وه، وه ناوه‌ڕۆكی پرسیاره‌كه ئه‌مه‌یه:" بۆچی زینا وقومار وگۆشتی به‌راز حه‌رامه له ئیسلامدا ؟".
التفاصيل
حه‌رام بوونی زینا و قومار وگوشتی به‌راز پرسیار: بۆچی زینا وقومار وگۆشتی به‌راز حه‌رامه له ئیسلامدا ؟ وه‌ڵام: الحمد لله پێشه‌كی پێمان سه‌یره موسڵمان ئه‌م پرسیاره بكات ده‌رباره‌ی شتێك كه‌وا روون وئاشكرایه، به‌ڵام له‌گه‌ڵ ئه‌وه‌شدا وه‌ڵامه‌كه زۆر ئاسانه له‌به‌ر ئه‌وه‌ی خوای گه‌وره ـ كه‌واجبه فه‌رمانه‌كانی جێبه‌جێ بكه‌ین ـ له‌قورئاندا ده‌فه‌رموێت: ( وَلا تَقْرَبُوا الزِّنَى إِنَّهُ كَانَ فَاحِشَةً وَسَاءَ سَبِيلا ) سورة الإسراء/32. واته: هه‌رگیز نه‌که‌ن توخنی زینا بکه‌ون و لێی نزیك ببنه‌وه، چونکه‌ئه‌وه‌به‌ڕاستی گوناهو تاوان و هه‌ڵه‌و ڕێچکه‌یه‌کی زۆر ناقۆڵایه. وه‌پێمانی فه‌رمووه:{ ( إِنَّمَا حَرَّمَ عَلَيْكُمْ الْمَيْتَةَ وَالدَّمَ وَلَحْمَ الْخِنزِيرِ ) سورة البقرة/173. واته: (خوای په‌روه‌ردگار) ته‌نها مرداره‌وه‌بوو و خوێن و گۆشتی به‌راز و ئه‌و ماڵاتانه‌ی كه‌ناوی غه‌یری خوایان له‌كاتی سه‌ربڕیندا له‌سه‌ر هێنراوه، حه‌رامی كردووه‌لێتان . وه‌پێمانی فه‌رمووه:{ ( يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالأَنصَابُ وَالأَزْلامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ (90) إِنَّمَا يُرِيدُ الشَّيْطَانُ أَنْ يُوقِعَ بَيْنَكُمْ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنْ الصَّلاةِ فَهَلْ أَنْتُمْ مُنتَهُونَ (91) سورة المائدة . واته: ئه‌ی ئه‌وانه‌ی باوه‌ڕتان هێناوه دڵنیابن که‌عه‌ره‌ق و قومارو گۆشتی ماڵاتی سه‌ربڕاو بۆ غه‌یری خوا له‌و شوێنانه‌ی که‌خه‌ڵک به‌پیرۆزی داناوه نه‌ک ئیسلام، بورج حه‌رام و حه‌ڵاڵ زانین به‌هۆی هه‌ڵدانی زاره‌وه ئه‌مانه هه‌رپیسن و له‌کاروکرده‌وه‌ی شه‌یتانن، که‌واته ئێوه‌ش خۆتانی لێ دوور بگرن و خۆتانی لێ بپارێزن، بۆ ئه‌وه‌ی سه‌رفرازیی و به‌خته‌وه‌ریی به‌ده‌ست بهێنن (له‌هه‌ردوو جیهاندا) (90) ،به‌ڕاستی شه‌یتان هه‌ر ده‌یه‌وێت له‌ڕێگه‌ی عه‌ره‌ق و قوماره‌وه دوژمنایه‌تی و بوغزو کینه بخاته نێوانتانه‌وه‌و له‌یادکردنی خوا و ناوه‌پیرۆزه‌کانی وێڵتان بکات، هه‌روه‌ها سست و ته‌مه‌ڵتان بکات له‌ئه‌نجامدانی نوێژه‌کان به‌شێنه‌یی، ئایا ئیتر به‌س نیه؟ ئایا کۆڵ ناده‌ن؟! (جا هه‌ر که‌ئه‌م ئایه‌ته پیرۆزه هاته خواره‌وه، جاڕ درا به‌ناو شاری مه‌دینه‌دا که‌عه‌ره‌ق حه‌رام کراوه، ئه‌وسا ئیمانداران قه‌ڕابه‌و گۆزه‌و دیزه‌و هه‌رچی عه‌ره‌قی تیادا بوو ڕشتیانه‌کۆڵان) (91). واجبه له‌سه‌رمان دوور بكه‌وینه‌وه له‌هه‌موو ئه‌و شتانه‌ی كه‌خوای گه‌وره حه‌رامی كردوه لێمان، ئه‌مه‌ش وه‌كو بڕوا بوونێك به‌شه‌ریعه‌ته‌كه‌ی خوای گه‌وره، بۆ ئه‌وه‌ی ئه‌جر وپاداشت ده‌ست كه‌وێت، وه‌له‌هه‌مان كاتدا وه‌كو ترسێكێش بێت له‌سزای خوای گه‌وره، له‌گه‌ڵ باوه‌ڕ بوونمان به‌وه‌ی كه خوای گه‌وره هیچ شتێكی لێ قه‌ده‌غه نه‌كردووین ئیلا له‌به‌ر ئه‌وه‌ی زیانی تێیدایه بۆمان، ئه‌گه‌ر هه‌ستی پێ بكه‌ین به‌عه‌قڵمان یان هه‌ستی پێ نه‌كه‌ین، وه ده‌بێت له‌م حاڵه‌ته‌دا ته‌سلیمی فه‌رمانه‌كانی خوای گه‌وره بین، خوای گه‌وره ده‌فه‌رموێت:{ فَلا وَرَبِّكَ لا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لا يَجِدُوا فِي أَنْفُسِهِمْ حَرَجاً مِمَّا قَضَيْتَ وَيُسَلِّمُوا تَسْلِيماً } ( النساء :65) واته: نه‌خێر، سوێند به‌په‌روه‌ردگارت ئه‌وانه‌ی (لافی بڕوا لێده‌ده‌ن) بڕوا ناهێنن هه‌تا له‌هه‌موو کێشه‌یه‌کدا که‌ڕووده‌دا له‌نێوانیاندا تۆ نه‌که‌ن به‌دادوه‌رو گوێڕایه‌ڵی تۆ نه‌که‌ن، دوای ئه‌وه‌ش نابێت له‌دڵ و ده‌روونیاندا هیچ ناڕه‌زاییه‌ک دروست ببێت به‌رامبه‌ر ئه‌وه‌ی که‌داوه‌ریت له‌سه‌ر کردووه‌و ده‌بێت به‌ته‌واویی ته‌سلیم بن و ڕازیی بن.
