Itong Qur'ān ay isang aklat na ibinaba Namin sa iyo, O Propeta. Ito ay isang aklat na pinagpala, na nagpapatotoo sa nauna rito na mga makalangit na aklat upang pagbalaan mo sa pamamagitan nito ang mga mamamayan ng Makkah at ang nalalabi sa mga tao sa mga dakong silangan ng lupa at mga dakong kanluran nito upang mapatnubayan sila. Ang mga sumasampalataya sa pangkabilang-buhay ay sumasampalataya sa Qur'ān na ito nagsasagawa sa nasaad dito at nangangalaga sa pagdarasal nila sa pamamagitan ng pagsasagawa sa mga saligan nito, mga tungkulin dito, at mga itinuturing na kaibig-ibig dito sa mga oras nitong itinakda ayon sa Batas ng Islām.