Hindi mo ba nalaman, O tao, na si Allāh ay lumikha sa mga langit at lumikha sa lupa ayon sa katotohanan sapagkat hindi Siya lumikha sa mga ito nang walang-kabuluhan? Kung loloobin Niya ang pag-aalis sa inyo, O mga tao, at ang paggawa ng iba pang nilikhang sasamba sa Kanya at tatalima sa kanya sa halip ninyo ay talagang maaalis Niya kayo at maghahatid Siya ng iba pang nilikhang sasamba sa Kanya at tatalima sa Kanya sapagkat ito ay isang bagay na madali sa Kanya.