Huwag ka ngang magpalagay, O Sugo, na si Allāh, yayamang nagpapaliban sa pagdurusa ng mga tagalabag sa katarungan, ay nalilingat sa anumang ginagawa ng mga tagalabag sa katarungan gaya ng pagpapasinungaling, pagbalakid sa landas ni Allāh, at iba pa roon. Bagkus Siya ay nakaaalam niyon: walang naikukubli sa Kanya mula roon na anuman. Nagpapaliban lamang Siya ng pagdurusa nila sa Araw ng Pagbangon, yaong araw na aangat ang mga paningin dala ng pangamba dahil sa hilakbot sa masasaksihan ng mga ito.