شرح الحديث :

حدیث میں فجر کی سنتِ راتبہ میں قراءت کے متعلق نبی صلی اللہ علیہ و سلم کے معمول کا بیان ہے کہ آپ صلی اللہ علیہ و سلم پہلی رکعت میں ﴿قُلْ يَا أَيُّهَا الْكَافِرُونَ ﴾ اور دوسری رکعت میں ﴿قُلْ هُوَ اللَّهُ أَحَدٌ﴾ پڑھتے تھے۔ ابو ہریرۃ رضی اللہ عنہ کے فرمان: ‘‘فجر کی دونوں رکعتوں میں پڑھی’’ یعنی فجر کی سنت میں، اور وہ اسی نام سے مشہور ہے۔ ﴿قُلْ يَا أَيُّهَا الْكَافِرُونَ ﴾اور ﴿قُلْ هُوَ اللَّهُ أَحَدٌ﴾ پڑھی، یعنی ہر سورت‘ سورۂ فاتحہ کے بعد پڑھی، مگر راوی نےاس کا ذکر چھوڑ دیا یعنی سورۂ فاتحہ کا ذکر کرنا چھوڑ دیا اس کے واضح ہونے کی وجہ سے۔ اور اس طرح سے مرفوع قولی اور مرفوع فعلی احادیث میں بہت عام ہے کہ فاتحہ کے ذکر کے بغیر دوسری سورت کا ذکر کر دیا گیا ہے، اس (فاتحہ) کے واضح اور مشہور ہونے کی وجہ سے ہے، اور یہ سورۂ فاتحہ کے وجوب کی تاکید پر دلالت کرتی ہے۔

ترجمة هذا الحديث متوفرة باللغات التالية

العربية الإنجليزية الفرنسية الإسبانية التركية الأندونيسية البوسنية البنغالية الفارسية