Banggitin ninyo, o mga anak ni Israel, ang tipang binigyang-diin na tinanggap sa inyo, [na nag-uutos] na maniwala kayo sa kaisahan ni Allāh at huwag kayong sumamba kasama sa Kanya sa iba pa sa Kanya; na gumawa kayo ng maganda sa mga magulang, mga kamag-anak, mga ulila, mga dukha, at mga nangangailangan; na magsabi kayo sa mga tao ng isang pananalitang maganda, ng isang pag-uutos sa nakabubuti, at ng isang pagsaway sa nakasasama nang walang kagaspangan at katindihan; na magsagawa kayo ng pagdarasal nang lubusan ayon sa paraang ipinag-utos sa inyo; at na magbigay kayo ng zakāh sa pamamagitan ng paglalaan nito sa mga karapat-dapat dito nang maluwag sa mga sarili ninyo." Ngunit walang nangyari sa inyo matapos ng tipang ito kundi nalihis kayo, na mga umaayaw palayo sa pagtupad sa tinanggap Niya sa inyo.