Kung ipinagpalagay ang paglayas ng ilan sa mga maybahay ninyo bilang mga tumalikod sa Islām patungo sa mga tagatangging sumampalataya at hiniling ninyo ang [ibinigay na] mga bigay-kaya mula sa mga tagatangging sumampalataya ngunit hindi nila ibinigay ang mga ito at nakasamsam kayo mula sa mga tagatangging sumampalataya, magbigay kayo sa mga asawang nilayasan ng mga maybahay nila, na naging mga tumalikod sa Islām, ng tulad ng ipinagkaloob nila na mga bigay-kaya. Mangilag kayong magkasala kay Allāh, na kayo ay sa Kanya mga mananampalataya, sa pamamagitan ng pagsunod sa mga ipinag-uutos Niya at pag-iwas sa mga sinasaway Niya.