شرح الحديث :

ان تمام احادیث میں قبروں کی زیارت کرنے، قبر والوں کو سلام کرنے، ان کے لیے دعا کرنے اور ان کے لیے رحم دلانہ جذبات کے اظہار کے مستحب ہونے کی دلیل ہے۔ چنانچہ ہمیں قبروں کی زیارت کرنی چاہیے، تاہم سوال یہ ہے کہ ہم قبر والوں کے فائدہ کے لیے قبروں پر جائیں گے یا پھر خود فائدہ اٹھانے کے لیے؟۔ اولا: ہم قبروں کی زیارت اہل قبور کے فائدے کے لیے کریں؛ بایں طورکہ مردوں کے لیے دعا کریں، نہ کہ ان سے دعا مانگیں اور اس لیے قبرستان جائیں تاکہ دلوں میں رقت پیدا ہو۔ جب بھی آپ کے دل پر کچھ غفلت کا پرتو آئے اور آپ کا دل دنیا کی زندگی سے مکدر ہو جائے، تو آپ کو چاہیے کہ آپ قبرستان کا رخ کریں اور ان لوگوں کے بارے سوچیں، جو کل تک آپ ہی کی طرح زمین پر چلتے پھرتے تھے، کھا پی رہے تھے اور دنیا سے لطف اندوز ہو رہے تھے۔ اب وہ سب کہاں گئے؟ وہ اپنے گناہوں کے بدلے میں گروی رکھے ہوئے ہیں؛ انھیں صرف اپنے آگے بھیجے گئے اعمال ہی فائدہ دیں گے۔ ان لوگوں کے بارے میں سوچیں اور انھیں سلام کریں: السلام علیکم دار قوم مومنین۔ ظاہری معنی یہی ہے، واللہ اعلم کہ وہ سلام کا جواب دیتے ہیں؛ کیوںکہ آپ ﷺ ان پر خطاب کے صیغے سے سلام کرتے تھے۔ یعنی السلام علیکم کہتے تھے۔ یہ بھی احتمال ہے کہ اس سے مجرد دعا مراد ہو؛ چاہے وہ سنتے ہوں یا نہ سنتے ہوں، جواب دیتے ہوں یا جواب نہ دیتے ہوں۔

ترجمة هذا الحديث متوفرة باللغات التالية

العربية الإنجليزية الفرنسية الإسبانية التركية الأندونيسية البوسنية الروسية البنغالية الصينية الفارسية