فرقت (جدائی) (فُرْقَةٌ)
أصول الفقه
المعنى الاصطلاحي :
میاں بیوی کے مابین جدائی۔
الشرح المختصر :
فرقت کا معنی ہے: میاں بیوی کے مابین رشتۂ ازدواج کا منقطع ہونا اور ان کے باہمی تعلق کو ختم کرنا۔ فرقت کے کئی اسباب ہوسکتے ہیں جن میں سے کچھ یہ ہیں: طلاق، لعان، ارتداد، نکاح کے عیوب میں سے کسی عیب جیسے نامردی اور خصی ہونا ہونے کی وجہ سے فسخِ نکاح اور ان کے علاوہ دیگر اسباب۔ فرقت کی دو قسمیں ہیں: 1۔ فُرْقَةٌ قَهْرِيَّةٌ إِجْبارِيَّةٌ: یہ ایسی فرقت ہے جو حاکم یا میاں بیوی میں سے کسی کے علیحدہ کرنے پر موقوف نہیں ہوتی بلکہ یہ محض کچھ افعال کی وجہ سے ثابت ہوجاتی ہے جیسے ارتداد کی فرقت، اور لعان کرنے کی وجہ سے جدائی ہوجانا۔ 2۔ فُرْقَةٌ اخْتِيَارِيَّةٌ: جو کبھی تو شوہر کے اختیار پر موقوف ہوتی ہے جیسے طلاق اور کبھی بیوی کے اختیار پر موقوف ہوتی ہے جیسے اس کے شوہر میں کسی عیب کا پایا جانا اور کبھی یہ حاکم کے اختیار پر منحصر ہوتی ہے جیسے إيلاء کی وجہ سے فرقت۔
التعريف اللغوي المختصر :
فُرقت (فا کے پیش کے ساتھ) ’افتراق‘ کو کہتے ہیں یعنی علیحدگی اور دوری۔ اس کی ضد ملنا اور منسلک ہونا ہے۔ کہا جاتا ہے: ”فَرَقَ بين الشَّيْئَيْنِ“ یعنی دو چیزوں میں جدائی ڈال دی اور انہیں ایک دوسرے سے دور کر دیا۔