الطيب
كلمة الطيب في اللغة صيغة مبالغة من الطيب الذي هو عكس الخبث، واسم...
کافُور، کپور
(كافُورٌ)
من موسوعة المصطلحات الإسلامية
المعنى الاصطلاحي
یہ ایک قسم کی نباتاتی خوشبو ہے، جو صاف شفاف، سفیدی مائل اور ٹھوس ہوتا ہے، اس کو کوٹنا ممکن ہوتا ہے، اس کی بو مہک دار اور اس کا ذائقہ کڑوا ہوتا ہے۔
الشرح المختصر
’کافور‘ ایک قسم کی نباتاتی خوشبو ہے۔ یہ اصل میں ایک ٹھنڈے خشک درخت سے حاصل کیاجاتا ہے، جس کے پھول سفید ہوتے ہیں۔ اس درخت سے تیز خوشبودار سفید بلوری ٹکڑے نکالے جاتے ہیں، جنھیں پیساجاتا ہے اور اس میں پانی ملایاجاتا ہے۔ پھر اسے میت کے جسم کو دھونے، اسے معطر کرنے اور اسے ٹھنڈا رکھنے کے لیے استعمال کیاجاتا ہے؛ کیوں کہ یہ کیڑے مکوڑوں اورحشرات الارض کو دور رکھتا ہے اور میت کے جسم کو جلد خراب ہونے سے بچاتا ہے۔ ’کافور‘ ہندوستان اور چین وغیرہ میں پایا جاتا ہے۔
التعريف اللغوي المختصر
کافور ایک خوشبودار بوٹی ہے، یہ ایک ایسے درخت کے اندرونی حصہ میں ہوتی ہے جس کے پھول سفید ہوتے ہیں اور اس کی لکڑی سفید اور بھربھری (آسانی سے ٹوٹ جانے والی) ہوتی ہے۔ اس کی کئی قسمیں ہیں۔ یہ سرخ رنگ کی ہوتی ہے۔ ’کافور‘ کا اصل معنی’وعاء‘ ہے۔ کہا گیا ہے کہ’کافور‘عربی زبان کا لفظ نہیں ہے اور اس کی اصل ’قفور‘ اور ’قافور‘ ہے۔ ’کافور‘ کی جمع ’کوافیر‘ اور ’کوافر‘ آتی ہے۔