شرح الحديث :

ایک اعرابی صحابی نے رسول اللہ ﷺ کی خدمت میں حاضر ہوکر عرض کیا: ”مجھے ایسا کلام" یعنی ذکر "سکھادیجیے، جسے میں پڑھتا رہوں“ یعنی جسے میں بطور ورد کسی بھی وقت پڑھتا رہوں۔ "آپ ﷺ نے فرمایا کہ یہ ذکر پڑھا کرو: لا إله إلا الله وحده لا شريك له "آغاز توحید کی گواہی سے فرمایا۔ اس کے معنی ہیں اللہ تعالیٰ کے سوا کوئی معبود برحق نہیں۔ " الله أكبر" یعنی وہ ذات ہر چیز سے بڑی ہے۔ " كبيراً" یہ لفظ تکبیر کے معنی میں مزید تاکید و زور پیدا کرنے کے مقصد سے لایا گیاہے یا پھر یہ حال بھی ہوسکتا ہے، جو تاکید کے لیے لایا گیا ہے۔ "والحمد لله كثيراً" یعنی میں اس کی بے پناہ حمد و ثنا بیان کرتا ہوں۔ "وسبحان الله رب العالمين" یعنی تمام مخلوقات کا پروردگار ہے۔ اور آپ ﷺ کے قول "لا حول ولا قوة إلا بالله العزيز الحكيم" یعنی ایک حالت سے دوسری حالت میں بدلنے کی طاقت و قوت کسی میں نہیں مگر یہ کہ اس میں اللہ تعالیٰ کی توفیق اور حکمت شامل ہوجائے۔ اعرابی نے کہا: "فهؤلاء" یعنی یہ کلمات۔ "لربي" یعنی اللہ تعالی کے ذکر اور اس کی تعظیم کے لیے وضع ہوئے ہیں۔ "فمالي؟" یعنی میری ذات کی خاطر مانگنےکے لیے کون سی دعا ہے؟ "آپ ﷺ نے فرمایاکہ تم یہ دعاء پڑھو: " اللهم اغفر لي" یعنی میری خطاؤں اور لغزشوں کو مٹاکر۔ "وارحمني" میری تمام حرکات و سکنات میں طاعتوں و فرماں برداریوں کی توفیق عطا کرکے۔ "واهدني" یعنی بہتر احوال کی طرف۔ "وارزقني" یعنی حلال مال و دولت، صحت و تندرستی اور ہر قسم کی خیر و بھلائی سے نواز دے۔

ترجمة هذا الحديث متوفرة باللغات التالية

العربية الإنجليزية الفرنسية التركية الأندونيسية البوسنية الروسية الصينية الفارسية