شرح الحديث :

ام عمارہ رضی اللہ عنہا بیان کرتی ہیں کہ نبی ﷺ ان کے پاس تشریف لائے۔ انہوں نے آپ ﷺ کے سامنے کھانا پیش کیا۔ آپ ﷺ نے ان سے فرمایا کہ تم بھی کھاؤ۔ انہوں نے جواب دیا کہ میں روزے سے ہوں۔ اس پر آپ ﷺ نے روزے کو مکمل کرنے کی ترغیب دینے کے لیے فرمایا: "جب روزے دار کےسامنے کھایا جاتا ہے۔" اور اس کا دل کھانے کی شے کی طرف مائل ہوجاتا ہے اور اس کا روزہ اس کے لیے سخت ہوجاتا ہے تو "صلت عليه الملائكة" کھانے کی وجہ سے اسے جس مشقت کا سامنا ہوتا ہے اس کے بدلے میں فرشتے اس کے لیے مغفرت کی دعا کرتے ہیں۔ "حتى يفرغوا"۔ یہاں تک کہ کھانا کھانے والے کھانے سے فارغ ہو جائیں۔ کھانے کا سامنے ہونا کھانے کی رغبت کو انگیخت دیتا ہے۔ جب روزے دار اپنی شہوت کو دبا لیتا ہے اور اپنے رب کے حکم کی اطاعت میں اپنے نفس کو روک لیتا ہے اور اس چیز کی حفاظت کرتا ہے جو اسے اس کے رب کے قریب کرتی ہے اور اس کی رضا کا باعث ہوتی ہے تو فرشتے حیران ہوتے ہیں کہ کیسے اس نے اپنے رب کی اطاعت میں اپنے نفس کو رام کر لیا۔ چنانچہ وہ اس کے لیے دعائے مغفرت کرتے ہیں۔ حدیث فرض اور نفل دونوں اقسام کے روزں کو شامل ہے۔ تاہم اس حدیث کو بطور دلیل پیش نہیں کیا جا سکتا کیوں کہ یہ ضعیف ہے۔ دیکھیے: مرقاة المفاتيح (4/578)، فيض القدير (2/359)، بهجة الناظرين (2/392).

ترجمة هذا الحديث متوفرة باللغات التالية

العربية الإنجليزية الفرنسية الإسبانية التركية الأندونيسية البوسنية الروسية البنغالية الصينية الفارسية