العظيم
كلمة (عظيم) في اللغة صيغة مبالغة على وزن (فعيل) وتعني اتصاف الشيء...
اہلِ بیت
(أَهْلُ البَيْتِ)
من موسوعة المصطلحات الإسلامية
المعنى الاصطلاحي
نبی ﷺ پر ایمان رکھنے والے آپ ﷺ کے قریبی رشتہ دار جن کے لیے صدقہ حرام ہے۔ یہ بنو ہاشم، بنو مطلب اور آپ ﷺ کی ازواج مطہرات ہیں۔
الشرح المختصر
اہلِ بیت: یہ نبی ﷺ کے قریبی رشتہ داروں کا وہ گروہ ہے جن پر صدقہ حرام ہے۔ اہل بیت میں یہ لوگ شامل ہیں: 1۔ نبی ﷺ کی ازواج مطہرات جو تمام مومنین کے مائیں ہیں۔ 2۔ نبی ﷺ کی ساری نسل یعنی آپ ﷺ کے بیٹے، بیٹیاں اور قیامت تک آنے والی ان کی اولاد ۔ 3۔ بنو ہاشم جو کہ آلِ علی، آلِ عقیل، آلِ جعفر اور آلِ عباس رضی اللہ عنہم ہیں۔ 4۔ بنو مطلب۔ اہلِ بیت کے بارے میں اہلُ السنہ والجماعہ کا اجمالی عقیدہ یہ ہے: 1۔ اہلُ السنہ نبی ﷺ کے اہلِ بیت کی محبت کو واجب قرار دیتے ہیں اور ان سب کو دوست رکھتے ہیں۔ اہلُ السنہ ان کے فضائل بیان کرتے ہیں، اور عدل و انصاف کے ساتھ انھیں ان کا وہ مقام دیتے جن کے وہ مستحق ہیں۔ اس سلسلے میں وہ خواہشِ نفس کی پیروی نہیں کرتے اور نہ ہی غلو اور حق تلفی سے کام لیتے ہیں۔ 2۔ اہلُ السنہ، اہل بیت کے واجبی حقوق سے واقف ہیں۔ اللہ تعالی نے مال غنیمت کے خُمس اور مالِ فیئ وغیرہ میں ان کا حق رکھا ہے۔ 3۔ نواصب جو اہل بیت سے بے رخی برتتے ہیں اور روافض جو ان کے معاملے میں غلو سے کام لیتے ہیں، اہلُ السنہ ان سب سے اظہارِ براءت کرتے ہیں۔