شرح الحديث :

اہلِ عراق میں سے ایک شخص نے حضرت عبداللہ بن عمر - رضی اللہ عنہما - سے سوال کیا کہ حالتِ احرام میں چھوٹے چھوٹے حشرات جو تکلیف پہنچاتے ہیں جیسا کہ مچھر وغیرہ ہیں، کیا ان کو مارا جا سکتا ہے یا نہیں؟تو انہوں نے تعجب اور حیرت کے ساتھ اس مثال کو استعمال کرتے ہوئے ان کے معاملا ت اور کبائر کے ارتکاب پر جرأت کو بیان کیا۔ فرمایا: اس شخص کو دیکھو ، (مچھر کی جان لینے کے تاوان کا مسئلہ پوچھتا ہے) حالاں کہ انہی لوگوں نے رسول اللہ ﷺ کے نواسے کو قتل کیا ہے ۔یعنی تباہی کُن امور اور نواسۂ رسول کے قتل کا ارتکاب کرنے والے، اب مناسکِ حج کی ادائیگی میں کمال تقویٰ اور خوف کا اظہار کرتے ہیں اور مچھر کے مارنے کا سوال کرتے ہیں۔ پھر کہا کہ رسول اللہ ﷺ نے فرمایا تھا : «هما ريحانتاي من الدنيا» یہ دونوں (حضرت حسن اور حضرت حسین رضی اللہ عنہما) دنیا میں میرے دو پھول ہیں۔ یعنی یہ میری اولاد ہیں جن کو میں سونگھتا اور بوسہ دیتا ہوں گویا کہ یہ دونوں ان پاکیزہ پھولوں میں سے ہیں جن سے لوگ خوشبو لیتے ہیں۔

ترجمة هذا الحديث متوفرة باللغات التالية

العربية الإنجليزية الفرنسية الإسبانية التركية الأندونيسية البوسنية الروسية البنغالية الصينية الفارسية