شرح الحديث :

یہ دعا ان جامع کلمات میں سے ہے جو سید الاولین و الآخرین ﷺ کو عطا ہوئے۔ آپ ﷺ نے پہلے تو یہ دعا کی کہ اللہ آپ ﷺ کو وہ اقوال و افعال اور خصلتیں دے جو اس کی رحمت کا موجب بنتی ہیں۔ پھر آپ ﷺ نے اللہ تعالیٰ سے دعا فرمائی کہ وہ آپ ﷺ کو عملی و قولی نیکی کا ارادہ عطا فرمائے جو آپ ﷺ کی مغفرت کا سبب بنے۔ چونکہ انسان اپنے گناہوں کے بخشے جانے کے بعد بھی دیگر معصیتوں اور نئے گناہوں سے مامون نہیں ہوتا اس لیے آپ ﷺ نے اللہ سے ہر قسم کی برائیوں اور گناہوں سے سلامتی و حفاظت کا سوال کیا چاہے وہ کچھ بھی ہوں۔ پھر آپ ﷺ نے اللہ تعالیٰ سے ان نیک اعمال کا سوال کیا جو بندگی کی تکمیل کا باعث ہوں۔ انہی میں سے ایک عمل ہر قسم کی نیکیوں کی توفیق کا دیا جانا ہے۔ اس سے مراد ہر قسم کی اطاعت ہے۔ پھر آپ ﷺ نے اپنی دعا اور درخواست کا اختتام اس شے سے کیا جو آخرت میں سب سے زیادہ مطلوب ہے یعنی جنت اور آپ ﷺ نے آخرت میں سے سب سے زیادہ خوفناک شے سے سلامتی اور نجات طلب کی یعنی دوزخ سے۔ العیاذ باللہ۔

ترجمة هذا الحديث متوفرة باللغات التالية

العربية الإنجليزية الفرنسية الإسبانية التركية الأندونيسية البوسنية الروسية البنغالية الصينية الفارسية