تفسير سورة النبأ

الترجمة اليورباوية

ترجمة معاني القرآن الكريم للغة اليوربا ترجمها الشيخ أبو رحيمة ميكائيل أيكوييني عام الطبعة 1432هـ .

1- ﴿بِسْمِ اللَّهِ الرَّحْمَٰنِ الرَّحِيمِ عَمَّ يَتَسَاءَلُونَ﴾

Nípa kí ni wọ́n ń bíra wọn léèrè ná?

2- ﴿عَنِ النَّبَإِ الْعَظِيمِ﴾

Nípa ìró ìkọ̀kọ̀ ńlá ni,

3- ﴿الَّذِي هُمْ فِيهِ مُخْتَلِفُونَ﴾

èyí tí wọ́n ń yapa ẹnu sí.

4- ﴿كَلَّا سَيَعْلَمُونَ﴾

Rárá! Wọ́n ń bọ̀ wá mọ̀.

5- ﴿ثُمَّ كَلَّا سَيَعْلَمُونَ﴾

Lẹ́yìn náà, ní ti òdodo wọ́n ń bọ̀ wá mọ̀.

6- ﴿أَلَمْ نَجْعَلِ الْأَرْضَ مِهَادًا﴾

Ǹjẹ́ Àwa kò ṣe ilẹ̀ ní ìtẹ́ bí,

7- ﴿وَالْجِبَالَ أَوْتَادًا﴾

àti àwọn àpáta ní èèkàn (fún ilẹ̀)?

8- ﴿وَخَلَقْنَاكُمْ أَزْوَاجًا﴾

A sì ṣẹ̀dá yín ní oríṣiríṣi (akọ àti abo).

9- ﴿وَجَعَلْنَا نَوْمَكُمْ سُبَاتًا﴾

A ṣe oorun yín ní ìsinmi.

10- ﴿وَجَعَلْنَا اللَّيْلَ لِبَاسًا﴾

A tún ṣe alẹ́ ní ìbora.

11- ﴿وَجَعَلْنَا النَّهَارَ مَعَاشًا﴾

A tún ṣe ọ̀sán ní (àsìkò fún) wíwá ìjẹ-ìmu.

12- ﴿وَبَنَيْنَا فَوْقَكُمْ سَبْعًا شِدَادًا﴾

A tún mọ sánmọ̀ méje t’ó lágbára sókè yín.

13- ﴿وَجَعَلْنَا سِرَاجًا وَهَّاجًا﴾

A tún ṣe òòrùn ní ìmọ́lẹ̀ t’ó ń tàn gbòlà.

14- ﴿وَأَنْزَلْنَا مِنَ الْمُعْصِرَاتِ مَاءً ثَجَّاجًا﴾

Àti pé A sọ omi t’ó ń bọ́ tẹ̀léra wọn kalẹ̀ láti inú àwọn ẹ̀ṣújò

15- ﴿لِنُخْرِجَ بِهِ حَبًّا وَنَبَاتًا﴾

nítorí kí Á lè fi mú kóró èso àti irúgbìn jáde

16- ﴿وَجَنَّاتٍ أَلْفَافًا﴾

pẹ̀lú àwọn ọgbà t’ó kún digbí fún n̄ǹkan oko.

17- ﴿إِنَّ يَوْمَ الْفَصْلِ كَانَ مِيقَاتًا﴾

Dájúdájú ọjọ́ ìpínyà, ó ní gbèdéke àkókò kan.

18- ﴿يَوْمَ يُنْفَخُ فِي الصُّورِ فَتَأْتُونَ أَفْوَاجًا﴾

(Ìyẹn ni) ọjọ́ tí wọ́n á fọn fèrè oníwo fún àjíǹde. Ẹ̀yin yó sì máa wá níjọ-níjọ.

19- ﴿وَفُتِحَتِ السَّمَاءُ فَكَانَتْ أَبْوَابًا﴾

Wọ́n sì máa ṣí sánmọ̀ sílẹ̀. Ó sì máa di àwọn ìlẹ̀kùn.

20- ﴿وَسُيِّرَتِ الْجِبَالُ فَكَانَتْ سَرَابًا﴾

Wọ́n máa mú àwọn àpáta rìn (bọ́ sí àyè mìíràn). Ó sì máa di ahúnpeéná.

21- ﴿إِنَّ جَهَنَّمَ كَانَتْ مِرْصَادًا﴾

Dájúdájú iná Jahanamọ, ó lúgọ sílẹ̀ lójú ọ̀nà.

22- ﴿لِلطَّاغِينَ مَآبًا﴾

(Ó jẹ́) ibùgbé fún àwọn alákọyọ.

23- ﴿لَابِثِينَ فِيهَا أَحْقَابًا﴾

Wọn yóò máa gbé inú rẹ̀ fún ìgbà gbọọrọ.

24- ﴿لَا يَذُوقُونَ فِيهَا بَرْدًا وَلَا شَرَابًا﴾

Wọn kò níí rí ìtura tàbí ohun mímu kan tọ́wò nínú rẹ̀,

25- ﴿إِلَّا حَمِيمًا وَغَسَّاقًا﴾

àyàfi omi gbígbóná àti àwọyúnwẹ̀jẹ̀.

26- ﴿جَزَاءً وِفَاقًا﴾

(Ó jẹ́) ẹ̀san t’ó ṣe wẹ́kú (iṣẹ́ wọn).

27- ﴿إِنَّهُمْ كَانُوا لَا يَرْجُونَ حِسَابًا﴾

Dájúdájú wọn kì í retí ìṣírò-iṣẹ́.

28- ﴿وَكَذَّبُوا بِآيَاتِنَا كِذَّابًا﴾

Wọ́n sì pe àwọn āyah Wa nírọ́ gan-an.

29- ﴿وَكُلَّ شَيْءٍ أَحْصَيْنَاهُ كِتَابًا﴾

Gbogbo n̄ǹkan sì ni A ti ṣe àkọsílẹ̀ rẹ̀ sínú Tírà kan.

30- ﴿فَذُوقُوا فَلَنْ نَزِيدَكُمْ إِلَّا عَذَابًا﴾

Nítorí náà, ẹ tọ́ (ìyà) wò. A ò sì níí ṣe àlékún kan fun yín bí kò ṣe ìyà.

31- ﴿إِنَّ لِلْمُتَّقِينَ مَفَازًا﴾

Dájúdájú ìgbàlà wà fún àwọn olùbẹ̀rù (Allāhu).

32- ﴿حَدَائِقَ وَأَعْنَابًا﴾

Àwọn ọgbà àti èso àjàrà,

33- ﴿وَكَوَاعِبَ أَتْرَابًا﴾

àti àwọn ọlọ́mọge, tí wọn kò júra wọn lọ lọ́jọ́-orí,

34- ﴿وَكَأْسًا دِهَاقًا﴾

àti ife ọtí t’ó kún dẹnu (ni ẹ̀san wọn).

35- ﴿لَا يَسْمَعُونَ فِيهَا لَغْوًا وَلَا كِذَّابًا﴾

Wọn kò níí gbọ́ ìsọkúsọ àti ọ̀rọ̀ irọ́ nínú rẹ̀.

36- ﴿جَزَاءً مِنْ رَبِّكَ عَطَاءً حِسَابًا﴾

(Ó jẹ́) ẹ̀san láti ọ̀dọ̀ Olúwa rẹ, (ó sì jẹ́) ọrẹ ní ìbámu sí ìṣírò-iṣẹ́ (wọn).

37- ﴿رَبِّ السَّمَاوَاتِ وَالْأَرْضِ وَمَا بَيْنَهُمَا الرَّحْمَٰنِ ۖ لَا يَمْلِكُونَ مِنْهُ خِطَابًا﴾

(Ẹsan náà wá láti ọ̀dọ̀) Olúwa àwọn sánmọ̀, ilẹ̀ àti ohun t’ó wà láààrin méjèèjì, Àjọkẹ́-ayé. Wọn kò sì ní ìkápá ọ̀rọ̀ lọ́dọ̀ Rẹ̀.

38- ﴿يَوْمَ يَقُومُ الرُّوحُ وَالْمَلَائِكَةُ صَفًّا ۖ لَا يَتَكَلَّمُونَ إِلَّا مَنْ أَذِنَ لَهُ الرَّحْمَٰنُ وَقَالَ صَوَابًا﴾

Ọjọ́ tí mọlāika Jibrīl àti àwọn mọlāika (mìíràn) yóò dúró ní ọ̀wọ̀ọ̀wọ́. Wọn kò sì níí sọ̀rọ̀ àfi ẹni tí Àjọké-ayé bá yọ̀ǹda fún. Onítọ̀ún sì máa sọ̀rọ̀ t’ó ṣe wẹ́kú.

39- ﴿ذَٰلِكَ الْيَوْمُ الْحَقُّ ۖ فَمَنْ شَاءَ اتَّخَذَ إِلَىٰ رَبِّهِ مَآبًا﴾

Ìyẹn ni ọjọ́ òdodo. Nítorí náà, ẹni tí ó bá fẹ́ kí ó mú ọ̀nà tó máa gbà ṣẹ́rí padà sí ọ̀dọ̀ Olúwa rẹ̀ pọ̀n (ní ti ìronúpìwàdà).

40- ﴿إِنَّا أَنْذَرْنَاكُمْ عَذَابًا قَرِيبًا يَوْمَ يَنْظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنْتُ تُرَابًا﴾

Dájúdájú A fi ìyà t’ó súnmọ́ ṣe ìkìlọ̀ fun yín. Ọjọ́ tí ènìyàn yóò máa wo ohun tí ó tì síwájú, aláìgbàgbọ́ yó sì wí pé: "Yéè, èmi ìbá sì jẹ́ erùpẹ̀, (èmi ìbá là nínú ìyà)."

عبارات مقترحة:

الوكيل

الحفيظ

السميع

تفسير النبأ

الترجمة اليورباوية - Yorùbá