تفسير سورة المعارج

الترجمة الفلبينية (تجالوج) للمختصر في تفسير القرآن الكريم

الترجمة الفلبينية (تجالوج) للمختصر في تفسير القرآن الكريم، صادر عن مركز تفسير للدراسات القرآنية.

1- ﴿بِسْمِ اللَّهِ الرَّحْمَٰنِ الرَّحِيمِ سَأَلَ سَائِلٌ بِعَذَابٍ وَاقِعٍ﴾

Nanawagan ang isang nananawagan kabilang sa mga tagatambal laban sa sarili niya at mga tao niya ng isang pagdurusa kung ang pagdurusang ito ay mangyayari. Ito ay isang panunuya mula sa kanya. Ito ay magaganap sa Araw ng Pagbangon.

2- ﴿لِلْكَافِرِينَ لَيْسَ لَهُ دَافِعٌ﴾

Para sa mga tagatangging sumampalataya kay Allāh, wala para sa pagdurusang ito na sinumang pipigil

3- ﴿مِنَ اللَّهِ ذِي الْمَعَارِجِ﴾

laban kay Allāh na may kataasan, mga baytang, mga pampainam, at mga biyaya.

4- ﴿تَعْرُجُ الْمَلَائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ﴾

Umaakyat sa Kanya ang mga anghel at si anghel Gabriel sa mga baytang na iyon sa Araw ng Pagbangon. Ito ay isang araw na mahaba na ang sukat nito ay limampung libong taon.

5- ﴿فَاصْبِرْ صَبْرًا جَمِيلًا﴾

Kaya magtiis ka, o Sugo, nang isang pagtitiis na walang panghihinawa at walang hinaing.

6- ﴿إِنَّهُمْ يَرَوْنَهُ بَعِيدًا﴾

Tunay na sila ay nagtuturing na ang pagdurusang ito ay malayo, imposibleng maganap

7- ﴿وَنَرَاهُ قَرِيبًا﴾

samantalang nagtuturing Kami mismo na ito ay malapit, na magaganap nang walang pasubali,

8- ﴿يَوْمَ تَكُونُ السَّمَاءُ كَالْمُهْلِ﴾

sa Araw na ang langit ay magiging tulad ng nalusaw na tanso, ginto, at iba pa sa dalawang ito,

9- ﴿وَتَكُونُ الْجِبَالُ كَالْعِهْنِ﴾

ang mga bundok ay magiging tulad ng lana sa gaan,

10- ﴿وَلَا يَسْأَلُ حَمِيمٌ حَمِيمًا﴾

at walang magtatanong na isang kamag-anak sa isang kamag-anak tungkol sa kalagayan nito dahil ang bawat isa ay abala sa sarili niya.

11- ﴿يُبَصَّرُونَهُمْ ۚ يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ﴾

Makasasaksi ang bawat tao sa kaanak niya; walang maikukubli sa kanya. Gayon pa man, hindi magtatanong ang isa sa isa dahil sa hilakbot ng kalagayan. Magmimithi ang naging karapat-dapat sa Apoy na ihain ang mga anak niya sa pagdurusa bilang pamalit sa kanya,

12- ﴿وَصَاحِبَتِهِ وَأَخِيهِ﴾

na tubusin siya kapalit ng asawa niya at kapatid niya,

13- ﴿وَفَصِيلَتِهِ الَّتِي تُؤْوِيهِ﴾

at na tubusin siya kapalit ng angkan niyang mga pinakamalapit sa kanya, na mga umagapay sa kanya sa mga kasawian,

14- ﴿وَمَنْ فِي الْأَرْضِ جَمِيعًا ثُمَّ يُنْجِيهِ﴾

at na tubusin siya kapalit ng sinumang nasa lupa sa kalahatan kabilang sa tao, jinn, at iba pa, pagkatapos ay magliligtas sa kanya ang pagtubos na iyon at sasagip sa kanya mula sa pagdurusa sa Apoy.

15- ﴿كَلَّا ۖ إِنَّهَا لَظَىٰ﴾

Ang usapin ay hindi gaya ng minimithi ng salaring ito! Tunay na iyon ay Apoy ng Kabilang-buhay, na liliyab at niningas,

16- ﴿نَزَّاعَةً لِلشَّوَىٰ﴾

na nagpapahiwalay ng balat ng ulo sa isang pagpapahiwalay na matindi dahil sa tindi ng init niyon,

17- ﴿تَدْعُو مَنْ أَدْبَرَ وَتَوَلَّىٰ﴾

na nanawagan sa sinumang umayaw sa katotohanan, lumayo rito, hindi sumampalataya rito, at hindi gumawa,

18- ﴿وَجَمَعَ فَأَوْعَىٰ﴾

at kumalap ng yaman at nagmaramot sa paggugol mula rito sa landas ni Allāh.

19- ﴿۞ إِنَّ الْإِنْسَانَ خُلِقَ هَلُوعًا﴾

Tunay na ang tao ay nilikha na matindi ang karamutan:

20- ﴿إِذَا مَسَّهُ الشَّرُّ جَزُوعًا﴾

kapag may tumama sa kanya na kapinsalaan gaya ng karamdaman o karukhaan, siya ay madalang sa pagtitiis,

21- ﴿وَإِذَا مَسَّهُ الْخَيْرُ مَنُوعًا﴾

at kapag may tumama sa kanya na anumang kasaganaan at pagkayaman, siya ay madalas sa pagkakait sa pagkakaloob nito sa landas ni Allāh,

22- ﴿إِلَّا الْمُصَلِّينَ﴾

maliban sa mga nagdarasal sapagkat sila ay mga ligtas sa mga katangiang kapula-pulang iyon,

23- ﴿الَّذِينَ هُمْ عَلَىٰ صَلَاتِهِمْ دَائِمُونَ﴾

na sila, sa pagdarasal nila, ay mga matiyaga: hindi sila nagpapakaabala palayo rito at nagsasagawa rito sa oras nitong itinakda para rito,

24- ﴿وَالَّذِينَ فِي أَمْوَالِهِمْ حَقٌّ مَعْلُومٌ﴾

at na [sila], sa mga yaman nila, ay may itinakdang isinatungkulin

25- ﴿لِلسَّائِلِ وَالْمَحْرُومِ﴾

na ibinibigay nila para sa nanghihingi sa kanila at para sa hindi nanghihingi sa kanila kabilang sa napagkaitan ng panustos dahil sa alinmang kadahilanan,

26- ﴿وَالَّذِينَ يُصَدِّقُونَ بِيَوْمِ الدِّينِ﴾

at mga nagpapatotoo sa Araw ng Pagbangon, sa Araw na gaganti si Allāh sa bawat isa ayon sa magiging karapat-dapat dito,

27- ﴿وَالَّذِينَ هُمْ مِنْ عَذَابِ رَبِّهِمْ مُشْفِقُونَ﴾

at na sila, sa pagdurusang dulot ng Panginoon nila, ay mga nangangamba sa kabila na nagpauna sila ng mga gawa nilang maayos

28- ﴿إِنَّ عَذَابَ رَبِّهِمْ غَيْرُ مَأْمُونٍ﴾

- tunay na ang pagdurusang dulot ng Panginoon nila ay nakapangangamba na walang natitiwasay roon na isang nakapag-uunawa -

29- ﴿وَالَّذِينَ هُمْ لِفُرُوجِهِمْ حَافِظُونَ﴾

at na sila, sa mga puri nila, ay mga nangangalaga sa pamamagitan ng pagtatakip sa mga ito at pagpapalayo sa mga ito sa mga mahalay,

30- ﴿إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ﴾

maliban sa mga maybahay nila o sa mga minay-ari nila na mga babaing alipin sapagkat tunay na sila ay hindi mga masisisi sa pagtatamasa sa kanila sa pamamagitan ng pakikipagtalik at anumang mababa pa sa pakikipagtalik

31- ﴿فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ﴾

- ngunit ang sinumang naghanap ng pagpapakaligaya ayon sa wala sa binanggit na mga maybahay at mga babaing alipin, ang mga iyon ay ang mga lumalampas sa mga hangganan ni Allāh -

32- ﴿وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ﴾

at na sila, sa mga ipinagkatiwala sa kanila na mga ari-arian, mga lihim, at iba pa sa mga ito, at sa mga kasunduan sa kanila na isinagawa nila sa mga tao ay mga nag-iingat: hindi sila nagtataksil sa mga ipinagkatiwala sa kanila at hindi sila sumisira sa mga kasunduan sa kanila,

33- ﴿وَالَّذِينَ هُمْ بِشَهَادَاتِهِمْ قَائِمُونَ﴾

at na sila ay mga naninindigan sa mga pagsasaksi nila sa paraang hinihiling, na hindi naaapektuhan ng pagkakamag-anak o pagkakaaway sa mga iyon,

34- ﴿وَالَّذِينَ هُمْ عَلَىٰ صَلَاتِهِمْ يُحَافِظُونَ﴾

at na sila, sa pagdarasal nila, ay nangangalaga sa pamamagitan ng pagsasagawa nito sa oras nito nang may kadalisayan at kapanatagan, na walang nakaaabala sa kanila palayo roon na anumang tagaabala,

35- ﴿أُولَٰئِكَ فِي جَنَّاتٍ مُكْرَمُونَ﴾

ang mga nailarawang iyon sa mga katangiang iyon, sa mga hardin, ay mga pararangalan sa pamamagitan ng matatagpuan nilang kaginhawahang mananatili at pagtingin sa mukha ni Allāh, ang Marangal.

36- ﴿فَمَالِ الَّذِينَ كَفَرُوا قِبَلَكَ مُهْطِعِينَ﴾

Kaya ano ang humila sa mga tagatambal na ito kabilang sa mga kababayan mo, O Sugo, sa paligid mo, na mga nagmamadali sa pagpapasinungaling sa iyo

37- ﴿عَنِ الْيَمِينِ وَعَنِ الشِّمَالِ عِزِينَ﴾

na mga nakapaligid sa iyo sa gawing kanan mo at sa gawing kaliwa mo na mga pangkat-pangkat?

38- ﴿أَيَطْمَعُ كُلُّ امْرِئٍ مِنْهُمْ أَنْ يُدْخَلَ جَنَّةَ نَعِيمٍ﴾

Umaasa ba ang bawat isa kabilang sa kanila na magpapasok sa kanya si Allāh sa hardin ng kaginhawahan, na magiginhawahan siya sa pamamagitan ng anumang naroon na kaginhawahang mananatili, samantalang siya ay namamalagi sa kawalang-pananampalataya niya?

39- ﴿كَلَّا ۖ إِنَّا خَلَقْنَاهُمْ مِمَّا يَعْلَمُونَ﴾

Ang usapin ay hindi gaya ng ginuguniguni nila! Tunay na Kami ay lumikha sa kanila mula sa nakikilala nila na likidong hamak. Sila ay mahihina na hindi nakapagdudulot para sa mga sarili nila ng pakinabang ni pinsala kaya papaano silang nagpapakamalaki?

40- ﴿فَلَا أُقْسِمُ بِرَبِّ الْمَشَارِقِ وَالْمَغَارِبِ إِنَّا لَقَادِرُونَ﴾

Kaya talagang sumusumpa si Allāh sa Panginoon ng mga sikatan ng araw at buwan: "Tunay na Kami ay talagang Nakakakaya

41- ﴿عَلَىٰ أَنْ نُبَدِّلَ خَيْرًا مِنْهُمْ وَمَا نَحْنُ بِمَسْبُوقِينَ﴾

sa pagpapalit sa kanila ng iba pa sa kanila kabilang sa tumatalima kay Allāh. Magpapasawi Kami sa kanila. Hindi Kami nawawalang-kakayahan doon. Kami ay hindi madadaig kapag nagnais Kami ng pagpapasawi sa kanila at pagpalit sa kanila ng iba pa sa kanila."

42- ﴿فَذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ﴾

Kaya pabayaan mo sila, O Sugo, na sumuong sa anumang taglay nilang kabulaanan at pagkaligaw at maglaro sa buhay nilang pangmundo hanggang sa makipagkita sila sa Araw ng Pagbangon na sila noon ay pinangangakuan sa Qur'ān.

43- ﴿يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَىٰ نُصُبٍ يُوفِضُونَ﴾

sa araw na labas sila mula sa mga libingan nang mabibilis na para bang sila tungo sa mga palatandaan ay nag-uunahan.

44- ﴿خَاشِعَةً أَبْصَارُهُمْ تَرْهَقُهُمْ ذِلَّةٌ ۚ ذَٰلِكَ الْيَوْمُ الَّذِي كَانُوا يُوعَدُونَ﴾

Kadusta-dusta ang mga paningin nila, nilulukob sila ng isang kadustaan! Iyon ay ang araw na sila noon ay pinangangakuan sa Mundo, habang sila noon ay hindi pumapansin doon.

عبارات مقترحة:

المهيمن

المجيب

العفو

تفسير المعارج

الترجمة الفلبينية (تجالوج) للمختصر في تفسير القرآن الكريم - Tagalog