تفسير سورة البروج

الترجمة الأوزبكية - علاء الدين منصور

ترجمة معاني القرآن الكريم للغة الأوزبكية ترجمها علاء الدين منصور. عام الطبعة 1430هـ، ملاحظة: ترجمات بعض الآيات (مشار إليها) تم تصويبها بمعرفة مركز رواد الترجمة، مع إتاحة الاطلاع على الترجمة الأصلية لغرض إبداء الرأي والتقييم والتطوير المستمر.

﴿بِسْمِ اللَّهِ الرَّحْمَٰنِ الرَّحِيمِ وَالسَّمَاءِ ذَاتِ الْبُرُوجِ﴾

1. Буржлар эгаси бўлмиш осмонга қасам;

﴿وَالْيَوْمِ الْمَوْعُودِ﴾

2. Ваъда қилинмиш (Қиёмат) Кунига қасам;

﴿وَشَاهِدٍ وَمَشْهُودٍ﴾

3. (Ўша Кунда) гувоҳ бўлгувчи (барча халойиққа) ва гувоҳ бўлингувчи (барча воқеа-ҳодисалар)га қасам-ки,

﴿قُتِلَ أَصْحَابُ الْأُخْدُودِ﴾

4. Чоҳ эгалари лаънат қилингайлар!

﴿النَّارِ ذَاتِ الْوَقُودِ﴾

5. (У чоҳ ўзига итқитилган одамларнинг таналаридан иборат бўлган) «ўтин»ли оловдир!

﴿إِذْ هُمْ عَلَيْهَا قُعُودٌ﴾

6. Ўшанда улар ўша (чоҳ)нинг устида ўтириб олган,

﴿وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ﴾

7. Ва мўминларга қилаётган ишларига ўзлари гувоҳ бўлган эдилар.

﴿وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ﴾

8. Улар (мўминлардан) фақат у (мўмин)лар қудрат ва мақтов эгаси бўлган Аллоҳга иймон келтирганлари учунгина ўч олдилар!

﴿الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ﴾

9. У — осмонлар ва Ернинг подшоҳлиги Ўзиники бўлган Зотдир! Аллоҳ барча нарсага гувоҳдир!

﴿إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ﴾

10. Албатта мўмин ва мўминаларни фитнага солиб, (бу қилмишларидан) тавба қилмаган кимсалар учун жаҳаннам азоби бордир ва улар учун ўт азоби бордир!

﴿إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِنْ تَحْتِهَا الْأَنْهَارُ ۚ ذَٰلِكَ الْفَوْزُ الْكَبِيرُ﴾

11. Албатта иймон келтирган ва яхши амаллар қилган зотлар учун остидан дарёлар оқиб турадиган жаннатлар бордир. Мана шу катта бахтдир.

﴿إِنَّ بَطْشَ رَبِّكَ لَشَدِيدٌ﴾

12. (Эй Муҳаммад алайҳис-салоту вас-салом), шак-шубҳасиз, Парвардигорингизнинг (кофирларни азоб билан) ушлаши қаттиқдир.

﴿إِنَّهُ هُوَ يُبْدِئُ وَيُعِيدُ﴾

13. Албатта Унинг Ўзи бошлар (яъни, бошлаб йўқдан бор қилур) ва қайтарур (яъни, халойиқни ўлганларидан кейин қайта тирилтирур).

﴿وَهُوَ الْغَفُورُ الْوَدُودُ﴾

14. У (мўминларга) мағфиратли муҳаббатли Зотдир.

﴿ذُو الْعَرْشِ الْمَجِيدُ﴾

15. (У) арш соҳиби бўлмиш буюк Зотдир.

﴿فَعَّالٌ لِمَا يُرِيدُ﴾

16. (У) истаган нарсасини амалга оширгувчидир.

﴿هَلْ أَتَاكَ حَدِيثُ الْجُنُودِ﴾

17. (Эй Муҳаммад алайҳис-салоту вас-салом), сизга қўшинларнинг хабари келдими?

﴿فِرْعَوْنَ وَثَمُودَ﴾

18. — Фиръавн (ва унинг одамларининг) ҳамда Самуд (қабиласининг хабари келдими?)

﴿بَلِ الَّذِينَ كَفَرُوا فِي تَكْذِيبٍ﴾

19.
Йўқ, кофир бўлган кимсалар (ўзларидан аввал ўтган динсиз кимсалар йўлиққан азоб-ҳалокатлардан ибрат олмай, ҳали ҳам Қуръонни) ёлғон дейишда (оёқ тираб турибдилар!)

﴿وَاللَّهُ مِنْ وَرَائِهِمْ مُحِيطٌ﴾

20. Ҳолбуки, Аллоҳ уларнинг ортида (барча нарсани билиб) иҳота қилиб тургувчидир.

﴿بَلْ هُوَ قُرْآنٌ مَجِيدٌ﴾

21. Йўқ, (улар ёлғон дейишаётган нарса) Буюк Қуръондир.

﴿فِي لَوْحٍ مَحْفُوظٍ﴾

22. Лавҳул-Маҳфуздаги (яъни, ҳар қандай бузилиш ва ўзгаришдан сақланган — ҳимояланган Лавҳдаги Буюк Қуръондир).

البروج