تفسير سورة الأعلى

ترجمة معاني القرآن الكريم باللغة البشتو ترجمها زكريا عبدالسلام، وراجعها مفتي عبدالولي خان عام الطبعة 1423هـ.

﴿بِسْمِ اللَّهِ الرَّحْمَٰنِ الرَّحِيمِ سَبِّحِ اسْمَ رَبِّكَ الْأَعْلَى﴾

87-1 ته پاكي بیان كړه د خپل رب د نامې چې تر ټولو اوچت دى

﴿الَّذِي خَلَقَ فَسَوَّىٰ﴾

87-2 هغه چې پیدا يې كړل ټول شيان، پس ښه يې برابر كړل

﴿وَالَّذِي قَدَّرَ فَهَدَىٰ﴾

87-3 او هغه (رب) چې اندازه يې وكړه، پس لاره يې وښووله

﴿وَالَّذِي أَخْرَجَ الْمَرْعَىٰ﴾

87-4 او هغه ذات چې تازه ګياه يې را اېستلې ده

﴿فَجَعَلَهُ غُثَاءً أَحْوَىٰ﴾

87-5 بيا يې هغه وګرځوله وچه توره

﴿سَنُقْرِئُكَ فَلَا تَنْسَىٰ﴾

87-6 ژر ده چې مونږ به په تا باندې (قرآن) ولولو، نو ته به يې نه هېروې

﴿إِلَّا مَا شَاءَ اللَّهُ ۚ إِنَّهُ يَعْلَمُ الْجَهْرَ وَمَا يَخْفَىٰ﴾

87-7 مګر هغه چې الله يې وغواړي، بېشكه دغه (الله) په ښكاره و پوهېږي او په هغه څه چې پټ وي

﴿وَنُيَسِّرُكَ لِلْيُسْرَىٰ﴾

87-8 او مونږ به تا ته اسانې لارې ته اسانتیا دركوو

﴿فَذَكِّرْ إِنْ نَفَعَتِ الذِّكْرَىٰ﴾

87-9 نو ته نصیحت (پند) كوه كه نصیحت كول نفع رسوي (يا بېشكه نصيحت كول نفع رسوي)

﴿سَيَذَّكَّرُ مَنْ يَخْشَىٰ﴾

87-10 ژر ده چې هغه څوك به پند واخلي چې وېرېږي

﴿وَيَتَجَنَّبُهَا الْأَشْقَى﴾

87-11 او له دغه (نصیحت) نه به تر ټولو بدبخته ډډه كوي

﴿الَّذِي يَصْلَى النَّارَ الْكُبْرَىٰ﴾

87-12 هغه چې تر ټولو لوى اور ته به ننوځي

﴿ثُمَّ لَا يَمُوتُ فِيهَا وَلَا يَحْيَىٰ﴾

87-13 بیا به دى په دغه (اور) كې نه مري او نه به ښه ژوند لري

﴿قَدْ أَفْلَحَ مَنْ تَزَكَّىٰ﴾

87-14 یقینًا هغه څوك كامیاب شو چې پاك شو

﴿وَذَكَرَ اسْمَ رَبِّهِ فَصَلَّىٰ﴾

87-15 او د خپل رب نامه يې یاده كړه، پس لمونځ يې وكړ

﴿بَلْ تُؤْثِرُونَ الْحَيَاةَ الدُّنْيَا﴾

87-16 بلكې تاسو (په اخرت باندې) دنيايي ژوند غوره كوئ

﴿وَالْآخِرَةُ خَيْرٌ وَأَبْقَىٰ﴾

87-17 حال دا چې اخرت ډېر غوره او تل ترتله دى

﴿إِنَّ هَٰذَا لَفِي الصُّحُفِ الْأُولَىٰ﴾

87-18 بېشكه دا (خبرې) یقینًا په ړومبنیو صحیفو كې هم دي

﴿صُحُفِ إِبْرَاهِيمَ وَمُوسَىٰ﴾

87-19 د ابراهیم او موسی په صحیفو كې

الأعلى