تفسير سورة الضحى

ترجمة معاني القرآن الكريم للغة اليوربا ترجمها الشيخ أبو رحيمة ميكائيل أيكوييني عام الطبعة 1432هـ .

﴿بِسْمِ اللَّهِ الرَّحْمَٰنِ الرَّحِيمِ وَالضُّحَىٰ﴾

(Allāhu búra pẹ̀lú) ìyálẹ̀ta.

﴿وَاللَّيْلِ إِذَا سَجَىٰ﴾

Ó tún búra pẹ̀lú alẹ́ nígbà tí (ilẹ̀) bá ṣú.

﴿مَا وَدَّعَكَ رَبُّكَ وَمَا قَلَىٰ﴾

Olúwa rẹ kò pa ọ́ tì, kò sì bínú sí ọ.

﴿وَلَلْآخِرَةُ خَيْرٌ لَكَ مِنَ الْأُولَىٰ﴾

Dájúdájú ọ̀run lóore fún ọ ju ayé lọ.

﴿وَلَسَوْفَ يُعْطِيكَ رَبُّكَ فَتَرْضَىٰ﴾

Dájúdájú láìpẹ́ Olúwa rẹ máa fún ọ ní (oore púpọ̀ ní ọ̀run). Nítorí náà, o sì máa yọ́nú sí i.

﴿أَلَمْ يَجِدْكَ يَتِيمًا فَآوَىٰ﴾

Ṣé (Allāhu) kò rí ọ ní ọmọ-òrukàn ni? Ó sì fún ọ ní ibùgbé.

﴿وَوَجَدَكَ ضَالًّا فَهَدَىٰ﴾

Ó sì rí ọ ní aláìmọ̀nà (ìyẹn ṣíwájú ìsọ̀kalẹ̀ ìmísí). Ó sì fi ọ̀nà mọ̀ ọ́.

﴿وَوَجَدَكَ عَائِلًا فَأَغْنَىٰ﴾

Ó tún rí ọ ní aláìní, Ó sì rọ̀ ọ́ lọ́rọ̀.

﴿فَأَمَّا الْيَتِيمَ فَلَا تَقْهَرْ﴾

Nítorí náà, ní ti ọmọ-òrukàn, má ṣe jẹ gàba (lé e lórí).

﴿وَأَمَّا السَّائِلَ فَلَا تَنْهَرْ﴾

Ní ti alágbe, má sì ṣe jágbe (mọ́ ọn).

﴿وَأَمَّا بِنِعْمَةِ رَبِّكَ فَحَدِّثْ﴾

Ní ti ìdẹ̀ra Olúwa rẹ, sọ ọ́ jáde.

الضحى