تفسير سورة الطارق

ترجمة معاني القرآن الكريم للغة اليوربا ترجمها الشيخ أبو رحيمة ميكائيل أيكوييني عام الطبعة 1432هـ .

﴿بِسْمِ اللَّهِ الرَّحْمَٰنِ الرَّحِيمِ وَالسَّمَاءِ وَالطَّارِقِ﴾

(Allāhu) búra pẹ̀lú sánmọ̀ àti Tọ̄riƙ.

﴿وَمَا أَدْرَاكَ مَا الطَّارِقُ﴾

Kí sì ni ó mú ọ mọ ohun t’ó ń jẹ́ Tọ̄riƙ?

﴿النَّجْمُ الثَّاقِبُ﴾

Ìràwọ̀ tí ìmọ́lẹ̀ rẹ̀ ń tàn ròrò (ní alẹ́ ni).

﴿إِنْ كُلُّ نَفْسٍ لَمَّا عَلَيْهَا حَافِظٌ﴾

Kò sí ẹ̀mí kan àfi kí ẹ̀ṣọ́ kan wà fún un (nínú àwọn mọlāika).

﴿فَلْيَنْظُرِ الْإِنْسَانُ مِمَّ خُلِقَ﴾

Nítorí náà, kí ènìyàn wòye sí ohun tí A fi ṣẹ̀dá rẹ̀.

﴿خُلِقَ مِنْ مَاءٍ دَافِقٍ﴾

Wọ́n ṣẹ̀dá rẹ̀ láti inú omi t’ó ń tú jáde kọ̀ọ́kọ̀ọ́.

﴿يَخْرُجُ مِنْ بَيْنِ الصُّلْبِ وَالتَّرَائِبِ﴾

Ó ń jáde láti ààrin ìbàdí ọkùnrin àti àwọn ẹfọ́nhà igbá-àyà obìnrin.

﴿إِنَّهُ عَلَىٰ رَجْعِهِ لَقَادِرٌ﴾

Dájúdájú Allāhu ni Alágbára lóri ìdápadà rẹ̀

﴿يَوْمَ تُبْلَى السَّرَائِرُ﴾

ní ọjọ́ tí wọ́n máa ṣe àyẹ̀wò àwọn (iṣẹ́) àṣepamọ́.

﴿فَمَا لَهُ مِنْ قُوَّةٍ وَلَا نَاصِرٍ﴾

Nígbà náà, kò níí sí agbára tàbí alárànṣe kan fún un.

﴿وَالسَّمَاءِ ذَاتِ الرَّجْعِ﴾

Allāhu búra pẹ̀lú sánmọ̀ t’ó ń rọ òjò ní ọdọọdún.

﴿وَالْأَرْضِ ذَاتِ الصَّدْعِ﴾

Ó tún búra pẹ̀lú ilẹ̀ t’ó ń sán kànkàn (fún híhùjáde èso).

﴿إِنَّهُ لَقَوْلٌ فَصْلٌ﴾

Dájúdájú al-Ƙur’ān ni ọ̀rọ̀-ìpínyà (láààrin òdodo àti irọ́).

﴿وَمَا هُوَ بِالْهَزْلِ﴾

Kì í sì ṣe àwàdà.

﴿إِنَّهُمْ يَكِيدُونَ كَيْدًا﴾

Dájúdájú wọ́n ń déte gan-an.

﴿وَأَكِيدُ كَيْدًا﴾

Èmi náà sì ń déte gan-an.

﴿فَمَهِّلِ الْكَافِرِينَ أَمْهِلْهُمْ رُوَيْدًا﴾

Nítorí náà, lọ́ra fún àwọn aláìgbàgbọ́. Lọ́ wọn lára sẹ́ fún ìgbà díẹ̀.

الطارق