تفسير سورة العلق

ترجمة معاني القرآن الكريم باللغة البشتو ترجمها زكريا عبدالسلام، وراجعها مفتي عبدالولي خان عام الطبعة 1423هـ.

﴿بِسْمِ اللَّهِ الرَّحْمَٰنِ الرَّحِيمِ اقْرَأْ بِاسْمِ رَبِّكَ الَّذِي خَلَقَ﴾

96-1 ته د خپل هغه رب په نامه سره ولوله چې پیدا كړي يې دي (ټول مخلوقات)

﴿خَلَقَ الْإِنْسَانَ مِنْ عَلَقٍ﴾

96-2 ده انسان له پرنې (ټوټې) وینې نه پیدا كړى دى

﴿اقْرَأْ وَرَبُّكَ الْأَكْرَمُ﴾

96-3 ته ولوله، په داسې حال كې چې ستا رب تر ټولو لوى كریم دى

﴿الَّذِي عَلَّمَ بِالْقَلَمِ﴾

96-4 هغه چې په قلم سره يې ښوونه كړې ده

﴿عَلَّمَ الْإِنْسَانَ مَا لَمْ يَعْلَمْ﴾

96-5 انسان ته يې هغه څه ښودلي دي چې دى پرې نه پوهېده

﴿كَلَّا إِنَّ الْإِنْسَانَ لَيَطْغَىٰ﴾

96-6 حقه دا خبره ده چې یقینًا انسان خامخا سركشي كوي

﴿أَنْ رَآهُ اسْتَغْنَىٰ﴾

96-7 په دې وجه چې دى خپل ځان ویني چې دى بې پروا (بې حاجته) شو

﴿إِنَّ إِلَىٰ رَبِّكَ الرُّجْعَىٰ﴾

96-8 بېشكه خاص ستا رب ته بېرته ورتلل دي

﴿أَرَأَيْتَ الَّذِي يَنْهَىٰ﴾

96-9 ته ما ته خبر راكړه د هغه كس چې منع كوي

﴿عَبْدًا إِذَا صَلَّىٰ﴾

96-10 بنده (محمدﷺ) لره كله چې دى لمونځ كوي

﴿أَرَأَيْتَ إِنْ كَانَ عَلَى الْهُدَىٰ﴾

96-11 ته ما ته خبر راكړه كه چېرې دغه (بنده) په هدایت وي

﴿أَوْ أَمَرَ بِالتَّقْوَىٰ﴾

96-12 یا په تقوٰی (پرهېزګارۍ) سره حكم كوي

﴿أَرَأَيْتَ إِنْ كَذَّبَ وَتَوَلَّىٰ﴾

96-13 ته ما ته خبر راكړه كه دغه (منع كوونكى) تكذیب كوي او (له حق نه) مخ اړوي

﴿أَلَمْ يَعْلَمْ بِأَنَّ اللَّهَ يَرَىٰ﴾

96-14 ایا دى نه پوهېږي چې بېشكه الله ویني؟

﴿كَلَّا لَئِنْ لَمْ يَنْتَهِ لَنَسْفَعًا بِالنَّاصِيَةِ﴾

96-15 داسې نه ده! قسم دى كه دى منع نشو، (نو) مونږ به (دى) خامخا ضرور ډېر سخت راكاږو د تندي (وچولي) په وېښتانو سره

﴿نَاصِيَةٍ كَاذِبَةٍ خَاطِئَةٍ﴾

96-16 داسې تندى چې دروغجن (او) خطا كار دى

﴿فَلْيَدْعُ نَادِيَهُ﴾

96-17 نو دى دې خپل مجلس والا راوبلي

﴿سَنَدْعُ الزَّبَانِيَةَ﴾

96-18 ژر ده چې مونږ به ډېر سخت تند خویه ملايك راوبلو

﴿كَلَّا لَا تُطِعْهُ وَاسْجُدْ وَاقْتَرِبْ ۩﴾

96-19 داسې نه ده ته د ده خبره مه منه، او (الله ته) سجده كوه او (الله ته) ښه نژدې شه

العلق