البحث

عبارات مقترحة:

الرب

كلمة (الرب) في اللغة تعود إلى معنى التربية وهي الإنشاء...

الأكرم

اسمُ (الأكرم) على وزن (أفعل)، مِن الكَرَم، وهو اسمٌ من أسماء الله...

الجواد

كلمة (الجواد) في اللغة صفة مشبهة على وزن (فَعال) وهو الكريم...

تفسير المرسلات

الترجمة الهوساوية - هَوُسَ

  1. الرئيسية
  2. معجم ترجمات القرآن
  3. المرسلات
  4. الترجمة الهوساوية
  5. هَوُسَ
  6. الهوساوية

الترجمة الهوساوية

ترجمة معاني القرآن الكريم للغة الهوسا ترجمها أبو بكر محمود جومي، نشرها مجمع الملك فهد لطباعة المصحف الشريف بالمدينة المنورة، عام الطبعة 1434. ملاحظة: ترجمات بعض الآيات (مشار إليها) تم تصويبها بمعرفة مركز رواد الترجمة، مع إتاحة الاطلاع على الترجمة الأصلية

1- ﴿بِسْمِ اللَّهِ الرَّحْمَٰنِ الرَّحِيمِ وَالْمُرْسَلَاتِ عُرْفًا﴾

Ina rantsuwa da iskõkin da ake sakõwa jẽre, sunã bin jũna.

2- ﴿فَالْعَاصِفَاتِ عَصْفًا﴾

Sa'an nan, su zamã iskõki mãsu ƙarfi suna kaɗãwa da ƙarfi.

3- ﴿وَالنَّاشِرَاتِ نَشْرًا﴾

Kuma, mãsu watsa rahama wãtsãwa.

4- ﴿فَالْفَارِقَاتِ فَرْقًا﴾

sa'an nan, da ãyõyi* mãsu rarrabe gaskiya da ƙarya rarrabẽwa.

5- ﴿فَالْمُلْقِيَاتِ ذِكْرًا﴾

Sa'an nan da malã'iku mãsu jẽfa tunãtarwa ga Manzanni.

6- ﴿عُذْرًا أَوْ نُذْرًا﴾

Domin yanke hamzari ko dõmin gargadi.

7- ﴿إِنَّمَا تُوعَدُونَ لَوَاقِعٌ﴾

Lalle ne, abin da ake yi muku wa'adi da shi tabbas mai aukuwa ne

8- ﴿فَإِذَا النُّجُومُ طُمِسَتْ﴾

To, idan taurãri aka shãfe haskensu.

9- ﴿وَإِذَا السَّمَاءُ فُرِجَتْ﴾

Kuma, idan sama aka tsãge ta.

10- ﴿وَإِذَا الْجِبَالُ نُسِفَتْ﴾

Kuma, idan duwãtsu aka nike su.

11- ﴿وَإِذَا الرُّسُلُ أُقِّتَتْ﴾

Kuma, idan manzanni aka ƙayyade lõkacin tãra su.

12- ﴿لِأَيِّ يَوْمٍ أُجِّلَتْ﴾

Domin babbar rãnar da aka yi wa ajali.

13- ﴿لِيَوْمِ الْفَصْلِ﴾

Domin rãnar rarrabẽwa.*

14- ﴿وَمَا أَدْرَاكَ مَا يَوْمُ الْفَصْلِ﴾

Kuma, me ya sanar da kai rãnar rarrabẽwa?

15- ﴿وَيْلٌ يَوْمَئِذٍ لِلْمُكَذِّبِينَ﴾

Bone yã tabbata a rãnar nan, ga mãsu ƙaryatãwa!

16- ﴿أَلَمْ نُهْلِكِ الْأَوَّلِينَ﴾

Ashe, ba Mu halakar da (mãsu ƙaryatãw) na farko ba.

17- ﴿ثُمَّ نُتْبِعُهُمُ الْآخِرِينَ﴾

Sa'an nan, kuma zã Mu biyar musu da na ƙarshe?

18- ﴿كَذَٰلِكَ نَفْعَلُ بِالْمُجْرِمِينَ﴾

Haka nan, Muke aikatãwa da mãsu yin laifi.

19- ﴿وَيْلٌ يَوْمَئِذٍ لِلْمُكَذِّبِينَ﴾

Bone yã tabbata a rãnar nan ga mãsu ƙaryatãwa!

20- ﴿أَلَمْ نَخْلُقْكُمْ مِنْ مَاءٍ مَهِينٍ﴾

Ashe, ba Mu halitta ku daga wani ruwa wulakantacce ba.

21- ﴿فَجَعَلْنَاهُ فِي قَرَارٍ مَكِينٍ﴾

Sa'an nan Muka sanya shi a cikin wani wurin natsuwa amintacce.

22- ﴿إِلَىٰ قَدَرٍ مَعْلُومٍ﴾

Zuwa ga wani gwargwadon mudda sananna.

23- ﴿فَقَدَرْنَا فَنِعْمَ الْقَادِرُونَ﴾

Sa'an nan, Muka nũna iyãwarMu? Madalla da Mu, Mãsu nũna iyãwa.

24- ﴿وَيْلٌ يَوْمَئِذٍ لِلْمُكَذِّبِينَ﴾

Bone ya tabbata a rãnar nan ga mãsu ƙaryatãwa!

25- ﴿أَلَمْ نَجْعَلِ الْأَرْضَ كِفَاتًا﴾

Ashe, ba Mu sanya ƙasa matattarã ba.

26- ﴿أَحْيَاءً وَأَمْوَاتًا﴾

Ga rãyayyu da matattu,

27- ﴿وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُمْ مَاءً فُرَاتًا﴾

Kuma, Muka sanya, a cikinta, kafaffun duwãtsu maɗaukaka, kuma Muka shayar da ku ruwa mai dãɗi?

28- ﴿وَيْلٌ يَوْمَئِذٍ لِلْمُكَذِّبِينَ﴾

Bone ya tabbata, a rãnar nan, ga mãsu ƙaryatãwa!

29- ﴿انْطَلِقُوا إِلَىٰ مَا كُنْتُمْ بِهِ تُكَذِّبُونَ﴾

Ku tafi zuwa ga abin da kuka kasance kuna ƙaryatãwa game da shi!

30- ﴿انْطَلِقُوا إِلَىٰ ظِلٍّ ذِي ثَلَاثِ شُعَبٍ﴾

Ku tafi zuwa ga wata inuwa mai rassa uku.

31- ﴿لَا ظَلِيلٍ وَلَا يُغْنِي مِنَ اللَّهَبِ﴾

Ita ba inuwar ba, kuma ba ta wadãtarwa daga harshen wuta.

32- ﴿إِنَّهَا تَرْمِي بِشَرَرٍ كَالْقَصْرِ﴾

Lalle ne, ita, tanã jifã da tartsatsi kamar sõraye.

33- ﴿كَأَنَّهُ جِمَالَتٌ صُفْرٌ﴾

Kamar dai su raƙumma ne baƙãƙe.

34- ﴿وَيْلٌ يَوْمَئِذٍ لِلْمُكَذِّبِينَ﴾

Bone ya tabbata, a rãnar nan, ga mãsu ƙaryatãwa!

35- ﴿هَٰذَا يَوْمُ لَا يَنْطِقُونَ﴾

Wannan, yini ne da bã zã su iya yin magana ba.

36- ﴿وَلَا يُؤْذَنُ لَهُمْ فَيَعْتَذِرُونَ﴾

Bã zã a yi musu izni ba, balle su kãwo hanzari.

37- ﴿وَيْلٌ يَوْمَئِذٍ لِلْمُكَذِّبِينَ﴾

Bone ya tabbata, a rãnar nan, ga mãsu ƙaryatãwa!

38- ﴿هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ﴾

Wannan rãnar rarrabẽwa ce, Mun tattara ku tare da mutãnen farko.

39- ﴿فَإِنْ كَانَ لَكُمْ كَيْدٌ فَكِيدُونِ﴾

To, idan akwai wata dabara gare ku, sai ku yi ma Ni ita.

40- ﴿وَيْلٌ يَوْمَئِذٍ لِلْمُكَذِّبِينَ﴾

Bone ya tabbata, a rãnar nan, ga mãsu ƙaryatãwa!

41- ﴿إِنَّ الْمُتَّقِينَ فِي ظِلَالٍ وَعُيُونٍ﴾

Lalle ne, mãsu taƙawa suna a cikin inuwõwi da marẽmari.

42- ﴿وَفَوَاكِهَ مِمَّا يَشْتَهُونَ﴾

Da wasu 'ya'yan itãce irin waɗanda suke marmari.

43- ﴿كُلُوا وَاشْرَبُوا هَنِيئًا بِمَا كُنْتُمْ تَعْمَلُونَ﴾

(A ce musu) "Ku ci ku sha cikin ni'ima sabõda abin da kuka kasance kuna aikatãwa."

44- ﴿إِنَّا كَذَٰلِكَ نَجْزِي الْمُحْسِنِينَ﴾

Lalle ne, Mũ haka Muke sãka wa mãsu kyautatãwa.

45- ﴿وَيْلٌ يَوْمَئِذٍ لِلْمُكَذِّبِينَ﴾

Bone ya tabbata, a rãnar nan, ga mãsu ƙaryatãwa!

46- ﴿كُلُوا وَتَمَتَّعُوا قَلِيلًا إِنَّكُمْ مُجْرِمُونَ﴾

(Ana ce musu) "Ku ci ku ji ɗan dãdi kaɗan, lalle ne dai ku mãsu laifi ne."

47- ﴿وَيْلٌ يَوْمَئِذٍ لِلْمُكَذِّبِينَ﴾

Bone ya tabbata, a rãnar nan, ga mãsu ƙaryatãwa!

48- ﴿وَإِذَا قِيلَ لَهُمُ ارْكَعُوا لَا يَرْكَعُونَ﴾

Kuma, idan an ce musu: "Ku yi rukũ'i; bã zã su yi rukũ'in (salla) ba."

49- ﴿وَيْلٌ يَوْمَئِذٍ لِلْمُكَذِّبِينَ﴾

Bone ya tabbata, a rãnar nan, ga mãsu ƙaryatãwa!

50- ﴿فَبِأَيِّ حَدِيثٍ بَعْدَهُ يُؤْمِنُونَ﴾

To, da wane lãbãri (Littãfi), waninsa (Alƙur'ãni) zã su yi ĩmãni

الترجمات والتفاسير لهذه السورة: